Print
Category: Uncategorised

திருமணம் முதலாகிய சமுதாய சடங்குகளுக்குப் பெரியார் ஈ.வெ.ரா. இனி அழைக்குமிடங்களுக்கு எல்லாம் போக வசதி இல்லை என்றும், அப்படி போவதானால் இயக்க வேலைகள் குந்தகப்படுகிறதென்றும், இயக்கத் தோழர்களும் உடல் நலம் முதலியவை கருதி பெரியார் இந்தக் காரியங்களுக்குச் செல்வதை நிறுத்திக்கொள்ள வேண்டும் என்று சொல்லுகிறார்கள் என்றும் கருதி இனி அப்படிப்பட்ட காரியங்களுக்கு அழைத்து அசவுகரியப் படுத்தக்கூடாது என்றும், இயக்கத் தோழர்களுக்கு வேண்டுகோள் குடிஅரசின் மூலம் விட்டதோடு, அப்படி கண்டிப்பாக பெரியாரே வரவேண்டுமென்று அவசியமாய்க் கருதுகிறவர்கள் குறைந்தது 50 ரூபாயாவது விடுதலைக்கு நன்கொடை அளித்து அழைக்க வேண்டுமென்றும் வேண்டிக்கொண்டோம்.

அப்படி இருந்தும் அதை சரியாய் கவனிக்காமல் பல தோழர்கள் அழைக்கிறார்கள், ஆதலால் ஒவ்வொருவருக்கும் தனித்தனி எழுதுவதற்கு பதிலாய் அந்த அறிக்கையைத் தயவு செய்து படித்து அதற்கு மதிப்புக்கொடுக்க வேண்டுகிறோம்.

குடிஅரசு – துணைத்தலையங்கம் - 29.06.1946

Share this post

Submit to FacebookSubmit to Google PlusSubmit to TwitterSubmit to LinkedIn